კლასიკური მუსიკის საერთაშორისო ფესტივალი ბენიამინო ჯილის ფესტივალი

დებულება

1. მიზნები:

კლასიკური მუსიკის საერთაშორისო კონკურსი „ბენიამინო ჯილის კლასიკური მუსიკის

ფესტივალი/კონკურსი დაფუძნებულია თბილისის კლასიკური მუსიკის აკადემიის

(საქართველო) და იტალიაში არსებული ბენიამინო ჯილის ასოციაციის მიერ.

1.1. კონკურსის მიზანია: იტალიასა და საქართველოს შორის კულტურული ურთიერთობების გაღრმავება და განვითარება; კლასიკური მუსიკის მიმართულებით,

საქართველოს მასშტაბით ნიჭიერი ქართველი ბავშვების აღმოჩენა/ხელშეწყობა, რათა მოხდეს მათი შემოქმედებითი პოტენციალის მაქსიმალურად წარმოჩენა და ინტეგრირება ევროპულ სამყაროში.

1.2.აღწერა:

კლასიკური მუსიკის საერთაშორისო კონკურსს ექნება ტრადიციული ხასიათი. ( თვე - გაზაფხული,თარიღები განისაზღვრება ორივე მხარის ერთობლივი გადაწყვეტილებით).

კონკურსში მონაწილეობის მიღება შეუძლია, როგორც სხვადასხვა სახელოვნებო სკოლის წარმომადგენლებს, ასევე ინდივიდუალურ შემსრულებლებს.

კონკურსი მოიცავს შემდეგ მიმართულებებს/საკონკურსო მოთხოვნები:

1.სოლო აკადემიური სიმღერა (ვოკალი)

2. ფორტეპიანო: თავისუფალი პროგრამა (1ნაწარმოები);

3.საორკესტრო-სიმებიანი: (ვიოლინო, ალტი, ჩელო) თავისუფალი პროგრამა (1 მიმართულება)

კატეგორიები და ასაკობრივი ზღვარი:

A კატეგორია: ასაკობრივი ზღვარი 7-11წ. (თავისუფალი პროგრამა) (ქრონომეტრაჟი- 3 დან- 5 წთმდე)

B კატეგორია: ასაკობრივი ზღვარი 12-14 წ. (ბაროკოს მიმართულება) (ქრონომეტრაჟი- 3 დან- 5 წთმდე)

C კატეგორია: ასაკობრივი ზღვარი -15-18წ. ერთი ნაწარმოები (ბაროკო, ქართული ან თავისუფალი პროგრამა) ( ქრონომეტრაჟი- 10 წთმდე)

D კატეგორია- ასაკობრივი ზღვარი 19 წ.-დან. სaოპერო არია - (თავისუფალი პროგრამა, 1 ნაწარმოები) ( ქრონომეტრაჟი- 8 დან- 10 წთმდე)

კონკურსი არის სამ დღიანი.

I დღე- A, B ( დღის პირველ ნახევარში) C და D (დღის მეორე ნახევარში) კატეგორიის ნაწარმოების წარდგენა; კონკურსი ჩატარდება მუსიკალურ ცენტრ მუზაში

II დღე - A, B, C, D კატეგორიის მეორე და მესამე საპრიზო ადგილების და ასევე ნომინანტების დაჯილდოვება.
კონცერტი ჩატარდება მუსიკალურ ცენტრ მუზაში.
A, B, C, D კატეგორიის, მხოლოდ მეორე და მესამე საპრიზო ადგილების მქონე ნომინანტები შეასრულებენ ( A,B კატეგორია 3-5წთმდე) ( C,D კატეგორია არაუმეტეს 10 წთ-მდე ) ნაწარმოებს.
ყველა ნომინანტი დაჯილდოვდება მისთვის განკუთვნილი ნომინაციით და პრიზით.

III დღე- A, B, C, D კატეგორიების პირველი ადგილების გალა კონცერტი და დაჯილდოება.

2. ჟიური

ჟიურის შემადგენლობა იცვლება ყოველწლიურად. ჟიურის წევრები განისაზღვრება როგორც ქართველი, ასევე იტალიელი კლასიკური მუსიკის მიმართულებით

მაღალპროფესიული ვოკალისტების, მუსიკოსებისა და პროდიუსერების შემადგენლობით. შეფასება ხდება 10 ბალიანი სისტემით.

3. საპრიზო ფონდი :

3.1 კონკურსის ყველა მონაწილეს გადაეცემა დიპლომები და ენიჭება საერთაშორისო ლაურეატის წოდება.

3.2 I- II- III ადგილების მფლობელებისთვის სპეციალურად დაწესდება საპრიზო აქტივობები/ჯილდოები კონკურსის დამფუძნებლების ერთობლივი შეთანხმების შედეგად.

3.3 ჟიურის გადაწყვეტილებით კონკურსის გრან პრის მფლობელი გაემგზავრება სრული დაფინანსებით იტალიაში, კლასიკური მუსიკის ფესტივალზე.

დამფუძნებლები:

საქართველო - თბილისის კლასიკური მუსიკის აკადემია.

იტალია: ბენიამინო ჯილის ასოციაცია